Presentaranse preferentemente no Rexistro Xeral Electrónico do Concello do Barco de Valdeorras (situado na sede electrónica do Concello) ou nas oficinas de asistencia en materia de rexistros (que nesta Administración se atopa no edificio núm. 2 da praza do Concello da Vila do Barco de Valdeorras e conta co horario de 09:00 a 14:00 en días hábiles) no prazo de vinte días hábiles contados a partir do seguinte ao da publicación do anuncio da correspondente convocatoria no Boletín Oficial do Estado, é dicir, ate o día 30/08/2022

As solicitudes poderanse remitir tamén na forma determinada no artigo 16 da Lei 39/2015, do 1 de outubro

1 PRAZA DE ADMINISTRATIVO/A

Estar en posesión ou en condicións de obter o título de bacharel ou técnico. Así mesmo, observarase o establecido na Orde EDU/1603/2009, do 10 de xuño, pola que se establecen equivalencias cos títulos de graduado en educación secundaria obrigatoria e de bacharelato regulados na Lei orgánica 2/2006, do 3 de maio, de educación, modificada mediante a Orde EDU/520/2011, do 7 de marzo. As persoas aspirantes con titulacións obtidas no estranxeiro deberán acreditar que están en posesión da correspondente validación ou da credencial que acredite, no seu caso, a homologación do título. Este requisito non será de aplicación ás persoas aspirantes que obtivesen o recoñecemento da súa cualificación profesional, no ámbito das profesións reguladas, ao amparo das disposicións de dereito da Unión Europea

Os aspirantes deberán estar en posesión da correspondente titulación na data en que remate o prazo de presentación de instancias. É dicir, os aspirantes deberán ter o título ou presentar a acreditación do órgano educativo correspondente de que o aspirante ten dereito á súa expedición por ter aprobado a totalidade dos estudos precisos para a súa obtención e ter realizado as actuacións precisas para a súa expedición (xa sexa a mera solicitude da expedición ou o pagamento das taxas correspondentes, de proceder estas). É dicir, que de ser o caso de que o aspirante non posúa fisicamente o documento acreditativo da titulación na data de remate de presentación de instancias podería posuílo ao cumprir con todas as esixencias establecidas para posuílo.

PROCESO SELECTIVO:

EXERCICIO 1. Obrigatorio e eliminatorio cun tempo máximo de 120 minutos

Consistirá nun cuestionario, que se responderá por escrito, de 100 preguntas tipo test (máis 6 de reserva) con 4 alternativas de resposta cada unha

EXERCICIO 2. Obrigatorio e eliminatorio cun tempo máximo de 60 minutos

A proba de coñecemento da lingua galega estará dirixida á comprobación, por parte do tribunal, de que os aspirantes comprenden, falan e escriben correctamente o galego, someténdoos á proba ou probas que consideren máis adecuadas para tal comprobación

Unha vez rematado o exercicio o tribunal chamará aos aspirantes para que dean lectura total ou parcial do exame.

Quedarán exentas da realización desta proba aquelas persoas que acrediten estar en posesión do Celga 4 u o título equivalente debidamente homologado, de acordo coa disposición adicional segunda da Orde do 16 de xullo de 2007 pola que se regulan os certificados oficiais acreditativos dos niveis de coñecemento da lingua galega (DOG núm. 146, do 30 de xullo), modificada pola Orde do 10 de febreiro de 2014 (DOG núm. 34, do 19 de febreiro).

EXERCICIO 3 . Obrigatorio e eliminatorio cun tempo de 90 minutos

Consistirá na redacción por escrito, dun ou varios supostos prácticos de carácter procedemental e administrativo que determinará o tribunal antes do comezo do exercicio, relativos ás tarefas administrativas propias da subescala. 

Este exercicio poderá ser lido polos aspirantes para o caso de que o estableza o tribunal, lectura que será, nese caso, obrigatoria e que se anunciará cando se publique a data e a hora na que se realizará o exercicio.

TEMARIO:

1. A Constitución española.
2. A Constitución española de 1978
3. A organización do Estado español na Constitución.
4. A Coroa.
5. As Cortes Xerais
6. O Poder Xudicial.
7. O Poder Executivo.
8. Os estatutos de autonomía.
9. Lei 39/2015, do 1 de outubro, do procedemento administrativo común das administracións públicas.
10. A Administración local
11. O municipio
12. A Facenda local na Constitución
13. As fontes do ordenamento xurídico.
14. O Estatuto de autonomía de Galicia
15. O procedemento administrativo
16. Fases do procedemento administrativo xeral
17. A tramitación electrónica do procedemento administrativo.
18. O acto administrativo.
19. O procedemento administrativo local.
20. Lei 40/2015, do 1 de outubro, do réxime xurídico do sector público.
21. O Estatuto básico do empregado público.
22. O persoal ao servizo da Administración local.
23. Actividade subvencional das entidades locais
24. A responsabilidade patrimonial da Administración pública
25. A protección de datos de carácter persoal.
26. O padrón de habitantes
27. O estatuto dos veciños.
28. A potestade regulamentaria dos entes locais territoriais
29. Os bens das entidades locais
30. Os impostos locais obrigatorios sobre bens inmobles, actividades económicas e sobre vehículos de tracción mecánica.
31. As taxas municipais e as súas clases.
32. A Secretaría, a Intervención e a Tesourería municipal no Decreto 128/2018, do 16 de marzo.
33. O control interno da actividade económico-financeira das entidades locais
34. O réxime xurídico da recadación das entidades locais.
35. O orzamento das entidades locais.
36. A execución do orzamento de gastos e de ingresos
37. A liquidación do orzamento.
38. A tesouraría das entidades locais.
39. A conta xeral das entidades locais
40. A Lei do solo de Galicia
41. Réxime xurídico dos contratos do sector público
42. Clases de contratos
43. Preparación e actuacións preparatorias nos contratos. Selección do contratista e adxudicación dos contratos
44. O municipio
45. Organización municipal no réxime común.
46. O sistema electoral local.
47. Lei orgánica 3/2007, do 22 de marzo, para a igualdade efectiva de mulleres e homes
48. Discapacidade.
49. Informática básica.