O Concello de Fene publica as bases e convocatoria para 2 prazas de conserxe polo turno de promoción interna

Diseño del blog

O Concello de Fene publica as bases e convocatoria para 2 prazas de conserxe polo turno de promoción interna

20 de julio de 2022

O Concello de Fene publica as bases e convocatoria para 2 prazas de conserxe polo turno de promoción interna

FUNCIÓNS DO POSTO

Realizar as tarefas propias do servizo de conserxería, dentro da súa capacitación profesional, e no marco das competencias asumidas pola unidade.
Realizar tarefas materiais de auxilio á función administrativa: Reprografía, encadernación, traslado de documentación e similares
Xestionar o taboleiro de anuncios
Recepcionar, clasificar e repartir o correo e demais correspondencia
Asumir a apertura, peche e control do acceso ás dependencias
Realizar labores de atención e información ao cidadáns, derivándoos, no caso necesario, aos departamentos ou servizos oportunos.
Realizar as tarefas propias do almacenaxe e loxística.
Recepción, distribución e inventario de produtos e pedidos
Calquera outra, propia da súa capacitación profesional e vinculada co eido competencial no que se integra.

REQUISITOS DAS PERSOAS ASPIRANTES:

Ter a nacionalidade española ou algunha outra que permita o acceso ao emprego público, de acordo cos artigos 52 da Lei 2/2015, do 29 de abril, do Emprego Público de Galicia (LEPG) e 56 do Real Decreto Lexislativo 5/2015, do 30 de outubro, polo que se aproba o Texto refundido da Lei do Estatuto Básico do Empregado Público (TREBEP).
Estar en posesión, ou en condicións de obter, na data na que remate o prazo de presentación de solicitudes, o certificado de estudos primarios (Lei do 17 de xullo de 1945, de educación primaria; Lei 169/1965, do 21 de decembro, sobre reforma do ensino primario; Decreto 193/1967, do 2 de febreiro, polo que se aproba o Texto refundido da lei do ensino primario) ou equivalente/s
Non ter sido separado/a mediante expediente disciplinario do servizo de ningunha Administración Pública ou dos órganos constitucionais ou estatutarios das Comunidades Autónomas, nin estar na situación de inhabilitación absoluta ou especial para o desempeño de empregos ou cargos públicos por resolución xudicial, cando se tratase de acceder ao corpo ou escala de persoal funcionario do que a persoa tivese sido separada ou inhabilitada. No caso de nacionais doutros Estados, non estar inhabilitado ou en situación equivalente, nin ter sido sometida/o a sanción disciplinaria ou equivalente que impida no Estado de procedencia o acceso ao emprego público e/ou á praza obxecto da convocatoria.
Ter cumpridos os 18 anos e non exceder, no seu caso, da idade máxima de xubilación forzosa
Posuír as capacidades e aptitudes físicas e psíquicas necesarias para o desempeño das correspondentes funcións ou tarefas. As persoas con discapacidade compatible coas funcións da praza convocada poderán concorrer en igualdade de condicións que o resto de persoas aspirantes, coas adecuacións, no seu caso, necesarias para o desenvolvemento do proceso selectivo, de acordo co Real Decreto 2271/2004, do 3 de decembro e a Orde PRE/1822/2006, do 9 de xuño. Para estes efectos, o tribunal poderá requirir informe ou colaboración doutros órganos administrativos ou da administración sanitaria
Estar en posesión, ou en condicións de obtelo antes do remate do prazo de presentación de solicitudes, do CELGA 1 ou acreditación do coñecemento da lingua galega equivalente ou ben, alternativamente, ter superado a proba de coñecemento da lingua galega no proceso selectivo no que se accedeu como persoal funcionario de carreira do Concello de Fene.

A acreditación do coñecemento da lingua galega realizarase de conformidade co previsto na normativa de aplicación; con suxeición ao Sistema de Certificación da lingua galega (CELGA) actualmente vixente (ou as súas certificacións equivalentes), debidamente homologadas polo órgano competente en materia de política lingüística da Xunta de Galicia (nos termos do previsto na Orde do 16 de xullo de 2007, e Orde do 10 de febreiro de 2014, que modifica a anterior, con respecto dos certificados oficiais acreditativos dos niveis de coñecemento da lingua galega).
En todo caso e, con arranxo ao previsto no artigo 51.2 da Lei do emprego público de Galicia, os/as aspirantes que non acrediten o coñecemento da lingua galega esixido (CELGA 1 ou equivalente) ou estar en condicións de obtelo dentro do prazo de presentación de solicitudes, así como aquelas persoas que non acrediten ter superada a proba de coñecemento da lingua galega no proceso selectivo no que accederon como persoal funcionario de carreira do Concello de Fene, deberán realizar unha proba específica de coñecemento de lingua galega, de conformidade co previsto na base oitava das presentes bases, na que se cualificará ao/á aspirante como apto/a ou non apto/a

Ser persoal ao servizo do Concello de Fene coa condición actual de funcionario/a de carreira ocupante dunha praza pertencente a outro corpo ou escala, distinto do que se pretende acceder, dentro do grupo de Agrupacións profesionais.
Ter prestado servizos efectivos na condición de persoal funcionario de carreira durante cando menos dous anos no grupo de clasificación profesional sinalado no apartado anterior e dende o que se habilita a promoción.
Estar en posesión, ou en condicións de obtelo antes do remate do prazo de presentación de instancias, do permiso de conducir clase B en vigor

As persoas interesadas en participar na convocatoria e proceso selectivo deberán presentar unha solicitude/instancia de participación dirixida á Alcaldía, segundo modelo-tipo que figura como Anexo I das bases, no Rexistro Xeral do concello ou na forma establecida no artigo 16.4 da Lei 39/2015, do 1 de outubro, do procedemento administrativo común das administracións públicas

As persoas que desexen facer valer a súa condición legal de discapacidade deberán expresalo na solicitude, indicando se precisan adaptacións para realizar as probas.

Os/as aspirantes que teñan a condición legal de discapacitados/as, con grao igual ou superior ao 33 por cento, terán que presentar certificación dos órganos competentes que acrediten tal condición, xunto con acreditación da compatibilidade co desempeño das tarefas e funcións correspondentes

O prazo de presentación das instancias/solicitudes de participación será de vinte días naturais contados dende o seguinte ao da publicación do anuncio da convocatoria no Boletín Oficial do Estado. A non presentación en tempo e forma suporá a non admisión da persoa aspirante no proceso selectivo.

PROCESO SELECTIVO:

EXERCICIO 1. Obrigatorio e elilminatorio cun tempo de 45 minutos.

Cuestionario tipo test de 20 preguntas (e 3 de reserva), con 3 respostas alternativas e das que só unha será a correcta, que gardarán relación coas materias comprendidas no temario

EXERCICIO 2 . Obrigatorio e eliminatorio cun tempo de 60 minutos

Desenvolver unha proba de tipo práctico, relacionada co contido funcional e tarefas propios da vacante convocada e que se corresponderá, á súa vez, coas materias comprendidas no temario ; e na que se prantearán, por parte do tribunal, un ou varios supostos que impliquen un desenvolvemento material das habilidades operativas, destrezas e/ou coñecementos requiridos.

EXERCICIO 3. obrigatorio para as persoas aspirantes que non teñan acreditado estar en posesión, ou en condicións de obtelo antes do remate do prazo de presentación de instancias, do nivel de coñecemento de galego requirido (CELGA 1 ou equivalente) ou ter superado a proba de coñecemento da lingua galega no proceso selectivo no que accederon como persoal funcionario de carreira do Concello de Fene, cun tempo máximo de 30 minutos

Proba de carácter oral de coñecemento e competencia da lingua galega, determinada polo Tribunal inmediatamente antes da súa realización, e acorde ás características funcionais das vacantes convocadas, na que se deberá demostrar unha competencia similar á esixida para obter o certificado de lingua galega requirido na convocatoria

TEMARIO: