A Deputación de Pontevedra publica as bases e convocatoria para 1 praza de Técnico/a auxiliar de formación (Prom. Int.)

Diseño del blog

A Deputación de Pontevedra publica as bases e convocatoria para 1 praza de Técnico/a auxiliar de formación (Prom. Int.)

26 de julio de 2022

A DEPUTACIÓN DE PONTEVEDRA PUBLICA AS BASES E CONVOCATORIA PARA 1 PRAZA DE TÉCNICO/A AUXILIAR DE FORMACIÓN POLO SISTEMA SELECTIVO DE CONCURSO-OPOSICIÓN (PROM. INTERNA)

REQUISITOS E SOLICITUDES:

Ter a nacionalidade española, sen prexuízo do disposto no artigo 57 do TRLEBEP respecto do acceso ao emprego público de nacionais doutros estados.
Ter cumpridos os dezaseis anos de idade e non superar, no seu caso, a idade máxima de xubilación forzosa
Posuír a capacidade funcional para o desempeño das tarefas habituais da praza á que aspiran.
Non estar separadas por un expediente disciplinario do servizo de calquera Administración pública ou dos órganos constitucionais ou estatutarios das comunidades autónomas, nin atoparse en inhabilitación absoluta ou especial para empregos ou cargos públicos por resolución xudicial, para o acceso ao corpo ou escala de persoal funcionario do que estivesen separadas ou inhabilitadas. No caso de ser nacionais doutro estado, non atoparse inhabilitadas ou en situación equivalente nin estar sometidas a sanción disciplinaria ou equivalente que impida, no seu estado e nos mesmos termos, acceder ao emprego público
Estar en posesión do título de bacharelato ou de técnica/o, ou estar en condicións de obtelo o día en que remate o prazo de presentación de instancias
Ser funcionaria ou funcionario de carreira da Deputación de Pontevedra en situación administrativa de servizo activo e acreditar unha antigüidade de, polo menos, dous anos de forma definitiva nunha praza de auxiliar de Administración xeral ou auxiliar informático do grupo C2 neste organismo provincial

As solicitudes presentaranse obrigatoriamente por medios electrónicos a través do formulario normalizado “217424 Procedementos de selección para o acceso ao emprego público”, dispoñiblena Sede electrónica da Deputación de Pontevedra (https://sede.depo.gal), de acordo co establecido no artigo 14.2.e) da Lei 39/2015, de 1 de outubro, do procedemento administrativo común das administracións públicas (LPACAP).

En caso de presentar a solicitude de forma presencial requiriráselles que a emenden mediante a súa presentación electrónica. Para estes efectos, considerarase como data de presentación da solicitude aquela na que se realizase a emenda. En todo caso, se esta emenda se efectuase fóra do prazo de admisión de solicitudes, esta deberá limitarse á presentación electrónica do entregado previamente de xeito presencial, sen que poidan engadirse outros datos ou documentos ou rectificar os xa achegados.

Para a presentación das solicitudes a través do rexistro electrónico, a Sede electrónica da Deputación de Pontevedra admite os certificados electrónicos do sistema Cl@ve, que contempla a utilización de sistemas de identificación baseados en claves concertadas (sistemas de usuario e contrasinal), e os certificados electrónicos (incluído o DNIe)

O prazo para presentar as solicitudes será de 20 días naturais, contados a partir do día seguinte ao da publicación da convocatoria no Boletín Oficial do Estado (BOE), mediante extracto, e previa publicación do texto íntegro das bases e da convocatoria no Boletín Oficial da Provincia de Pontevedra (BOPPO) e do extracto no Diario Oficial de Galicia (DOG), é dicir, ate o día 15/08/2022

Será requisito necesario para participar nas probas selectivas aboar, dentro do prazo de presentación de instancias, os dereitos de exame e os gastos de tramitación que no seu caso determine a entidade bancaria. A falta de pago neste prazo non será emendable. O comprobante, que se descargará xunto coa solicitude de participación, poderase pagar en calquera sucursal, por banca electrónica e nos caixeiros habilitados de ABANCA. A través da súa páxina web (http://www.abanca.com/gl/pago-de-recibos) poderase realizar o pagamento con tarxeta sen necesidade de ser clienta ou cliente da entidade, introducindo os datos identificativos que figuran na cabeceira do documento.

A taxa ascende a 15€

PROCESO SELECTIVO:

EXERCICIO 1. Obrigatorio e eliminatorio cun tempo máximo de 1 hora.

Consistirá en desenvolver por escrito un tema, a elixir entre dous extraídos ao azar polo tribunal, un de cada unha das partes específicas do programa. Posteriormente, as persoas aspirantes serán convocadas polo tribunal para proceder á súa lectura pública, que levará a cabo a súa autora ou autor ou, se non fose posible, a persoa que designe ou un membro do tribunal.

EXERCICIO 2 . Obrigatorio e eliminatorio no tempo que marque o tribunal.

Resolución dun suposto práctico relacionado coas materias xerais e específicas do programa. Posteriormente, e no caso de que proceda, as persoas aspirantes serán convocadas polo tribunal para proceder á súa lectura pública, que levará a cabo a súa autora ou autor ou, se non fose posible, a persoa que designe ou un membro do tribunal

EXERCICIO 3. Obrigatorio e non eliminatorio

Consistirá na tradución directa ao idioma galego, sen axuda do dicionario, dun texto en castelán elixido polo tribunal.

No caso de non ter achegado a acreditación de coñecemento da lingua galega coa solicitude de participación no proceso selectivo, poderá presentalo ata a data que determine o tribunal no anuncio do exercicio inmediatamente anterior.

TEMARIO: