FUNCIÓNS E TAREFAS:

As prazas convocadas son de auxiliar de axuda no fogar para a atención de persoas maiores con déficits de autonomía ou dependentes, persoas con discapacidade, especialmente cando carezan de apoio persoal no seu contorno inmediato, así como fogares con menores en que se observe necesidade dunha intervención de carácter socioeducativo, e aquelas unidades de convivencia que tras unha valoración técnica corresponda como recurso idóneo de atención. As tarefas a desenvolver polas auxiliares serán as de carácter persoal na realización das actividades básicas da vida diaria, doméstico e atencións psicosociais e educativas a desenvolver nos domicilios asignados.

REQUISITOS:

• Estar en posesión da titulación de formación profesional de grao medio de atención sociosanitaria ou equivalente, regulada no Real Decreto 496/2003, do 2 de maio, ou en posesión do certificado de profesionalidade de atención  sociosanitaria a persoas no domicilio ou equivalente, regulado no Real Decreto 1379/2008, do 1 de agosto, polo que se establecen os certificados de profesionalidade da familia de profesional de servizos socioculturais e a comunidade. 
• Celga 2: estar en posesión, ou en condicións de obtelo antes do remate do prazo de presentación de solicitudes, do CELGA 2, ou acreditación do coñecemento da lingua galega equivalente. As persoas aspirantes que non acrediten estar en posesión do Celga 2 ou equivalente deberán superar unha proba oral que acredite a capacidade de comunicación en galego coa cidadanía.

PROCESO SELECTIVO:

Consistirá na realización dunha proba tipo test, elaborado polo tribunal en relación as funcións a desempeñar directamente no posto de traballo.

A dita proba terá como obxecto a demostración pola persoa aspirante das habilitades propias do perfil ao que se opta.

O exercicio consistirá nunha proba escrita tipo test, con 50 preguntas, con catro respostas alternativas das que só unha será a correcta. As preguntas non contestadas ou contestadas incorrectamente non restarán.

TEMARIO:

1. A Constitución Española de 1978. Título I. Dos dereitos e deberes fundamentais.
2. O municipio de Vilasantar: Poboación e termo municipal. Organización municipal específica no Concello de Vilasantar: Pleno, Alcalde e Xunta de Goberno Local, Tenente/s de Alcalde, concelleiros e outros órganos complementarios
3. A mobilización, administración de alimentación e tratamentos, necesidades de atención hixiénico- sanitarias e mantemento, limpeza e organización do domicilio do persoal usuario do servizo de axuda no fogar.
4. Ordenanza Municipal reguladora do servizo de axuda no fogar de Vilasantar