O Concello de Culleredo publica as bases e convocatoria para 2 prazas de educadores sociais e creación de bolsa de emprego

Diseño del blog

O Concello de Culleredo publica as bases e convocatoria para 2 prazas de educadores sociais e creación de bolsa de emprego

29 de julio de 2022

O CONCELLO DE CULLEREDO PUBLICA AS BASES E CONVOCATORIA PARA 2 PRAZAS DE EDUCADOR/A SOCIAL E CREACIÓN DUNHA BOLSA DE EMPREGO

REQUISITOS E SOLICITUDES:

Ter a nacionalidade española ou estar incluído entre os nacionais dos estados membros da Unión Europea e demáis estranxeiros, sen perxuizo do establecido no artigo 57 do Real Decreto Lexislativo 5/2015, do 30 de outubro, polo que se aproba o texto refundido da Lei do Estatuto básico do empregado público.
Ter cumpridos os dezaseis anos de idade e non ter acadado a idade máxima de xubilación forzosa.
Estar en posesión da titulación de grao ou diplomatura en educación social ou equivalente. No caso de titulacións obtidas no estranxeiro, deberá posuír o documento que acredite a súa homologación
Non padecer enfermidade nin estar afectado por limitación física ou psíquica que sexa incompatible co desempeño das funcións inherentes ao posto de traballo
Non ser separado mediante expediente disciplinario do servizo de calquera das Administracións Públicas ou dos órganos constitucionais ou estatutarios das Comunidades Autónomas, nin estaren en situación de inhabilitación absoluta ou especial para empregos ou cargos públicos por resolución xudicial. No caso de ser nacional doutro Estado membro, non estar inhabilitado ou en situación equivalente nin ter sido sometido a sanción disciplinaria ou equivalente que impida, no seu Estado, nos mesmos termos, o acceso ao emprego público
Posuir un título acreditativo de nivel de coñecemento da lingua Galega CELGA IV, equivalente ou superior

As instancias presentaranse no Rexistro de entrada do concello de Culleredo ou en calquera das formas previstas no artigo 16.4 da Lei 39/2015, do 1 de outubro, do Procedemento Administrativo Común das Administracións Públicas (en diante, LPAC), entre outras, a traves do rexistro electrónico na páxina web do concello (www.culleredo.es). O horario do Rexistro Xeral presencial do Concello de Culleredo é de 09.00 a 14.00 horas de luns a venres previa petición de cita no teléfono 981 677 777

O prazo de presentación de instancias de solicitude será de cinco días hábiles, contados a partir do seguinte día ao da publicación do anuncio da convocatoria no Boletín Oficial da provincia (BOP), é dicir, ate o 05/08/2022

PROCESO SELECTIVO.

Obrigatorio e eliminatorio cun tempo máximo de 60 minutos

Un ou Varios exercicios teórico-prácticos

FUNCIONAMENTO DA LISTA

Crearase unha lista de substitución formada polos aspirantes ordenados de maior a menor puntuación, incluíndose no primeiro posto aquel que obtivera a maior puntuación.

É condición inescusable para a pertenza á devandita lista de substitución o mantemento durante a vixencia desta dos requisitos das bases.

Os que formen parte da mesma poderán ser chamados (sempre respectando a orde da lista), para cando se dean calquera das circunstancias que recolle o artigo 10.1 do Real decreto lexislativo 5/2015, do 30 de outubro, polo que se aproba o texto refundido do estatuto básico do empregado público

TEMARIO:

O/a educador/a social.
A acción socioeducativa
Deseño, implementación e avaliación de programas e proxectos educativos
O informe socioeducativo como ferramenta profesional do/a educador/a social.
O equipo educativo.
O/a menor como suxeito/a de dereitos
Evolución psicolóxica na infancia e adolescencia
Socialización e desenvolvemento na infancia e na adolescencia.
Menores en situación de risco e desamparo
O apoio e a vinculación afectiva
Malos tratos infantís
Intervención socioeducativa en menores en situación de conflito social. Novas formas de violencia na infancia e a adolescencia
Acollemento familiar.
Interculturalidade
A calidade de vida das persoas maiores.
Diversidade funcional
Animación sociocultural.
O enfoque de xénero na intervención socio-educativa.
Educación permanente de persoas adultas.
A calidade de vida das persoas con discapacidade intelectual.